કૂંપળ

 

      

 કૂંપળ

કરમાતી વાસંતી વેલ
હાય! મારી ધીરજ ખૂટી
જીવન ને મૃત્યુના ઝોલામાં
 હાશ! આજ કૂંપળ ફૂટી

ઓચિંતા એક દિન દીઠી
ને મરડીને યાદ મીઠી ઉઠી
વાવેલી બાપુએ જતનથી
ને વીરાએ નીરથી સીંચેલી

કોમળ આનંદથી ઝૂલાવી
ફૂલો હૂં વીણતી ગુલાબી
અદકા આહ્ લાદથી ગુંથેલી
તરસુ પળ પામવા વિતેલી

કાળજી  કરીને  એને કાપી 
   ભાવેણી  ભગિનીએ  આપી  
  વાવી, વિલસી, પણ શીશીરે સતાવી
મુંજાતી શરમાતી જાય એ સૂકાતી

   પણ આજ,
પ્રીતમના મોંઘેરા વેણ સમી
હાશ!  નવી  કૂંપળ  ફૂટી