અજંપાનો તાગ
April 24, 2007
અજંપાનો તાગ
સર સર આ સરતા સમયની પરછાંય
સરળ સહજ આરસી પર આવી પથરાય
ઉરમાં અજંપાનો ભાર
કેમ આવે અજંપાનો તાગ?
ગુથ્યું મેં આવરણ મદમાતો અજ્ઞાની
કામ ક્રોધ લોભ મોહ લાદે છે મહામાની
ઉતારો ફેંકો આ આવરણ
તો આવે અજંપાનો તાગ
ક્લેશપૂણૅ કરકામણ દુરાચારી હિંસાનુ
દ્વેષપૂણૅ દિલ લેતા સાધન આ જીવ્હાનુ
ભક્તોના ભાવ ના દુભાવો
તો આવે અજંપાનો તાગ
અંતરને ઓળખુ ને વિદ્યાને વાગોળુ
ભણી ગણી શાસ્ત્રો ને જીવનમાં ઓગાળુ
વાંચેલુ આજ જીવી જાણું
તો આવે અજંપાનો તાગ
——————-
તાગ=અંદાજ,માપ
Entry Filed under: કાવ્યો. .
Trackback this post | Subscribe to the comments via RSS Feed