ગંગોત્રી

ગાજવીજ અને વરસાદ.રાહ જોતી નજરુ બારણે જઈ જઈને અથડાય. અંતે ટપ ટપ ટીપાનો ગમતો અવાજ.

             નીતરતી સાંજ                                         –સરયૂ પરીખ

આતુર આંખોરે મારી બારણે અથડાય
વાટે   વળોટે   વળી    દ્વારે     અફળાય

  ગાજ વીજ  વર્ષા  ને   વંટોળો   આજ
  કેમ કરી  આવે  મારા  મોંઘેરા  રાજ!

અરે!  થંભોને   વાયરા  આગંતુક  આજ
રખે  એ  ન  આવે  તમ  તાંડવને   કાજ

મૌન મધુ ગીત વીના સંધ્યાનુ સાજ
ઉત્સુક  આંખોમાં  ઢળે   ઘનઘેરી   સાંજ

વિખરાયા  વાદળા   ને  જાગીરે  આશ
પલ્લવ  ને  પુષ્પોમાં   મીઠી   ભીનાશ
ટપટપ ટીપાથી  હવે  નીતરતી સાંજ
પિયુજીના  પગરવનો    આવે  અવાજ