અપેક્ષા-એક ડગલું આગળ

 અપેક્ષા  સુશીલા   સુમતિ   સંતોષ
 ચાર    સાહેલીમાં   એક   મતદોષ
 આગવી  અપેક્ષાની  જીદ   હરદમ
 ”આગળ  હું  ચાલીશ   એક કદમ”—

 સુમતિ  સુશીલાનો  સીધો   સહકાર
 સુખી   સંતોષીનો   મીઠોં    આચાર
 આશા ત્યાં આવી ને  લાવી  વિચાર
 ”ક્યાં છે મેં ઇચ્છેલું,છે કંઇ દરકાર?”—

 સર્વેશું  ન્યોચ્છાવર,  કાળજાની   કોર
પણ, નાનીશી નખલીમાં ખટક્યો છે દોર
સુજ્ઞા    સંતોષીનું    ચાલ્યુ     ના    જોર
 મતલબી    અપેક્ષા    દોડી   છે   મૉર —

વર્તુળ  વિવેકથી   જો  વાર્યા  ચિતચોર 
સરખી   સાહેલીની  દોસ્તી   કંઈ   ઓર

ચંદ્રમા

ચંદ્રમા

ઊંચેરી ટેકરી   ને   ઊંચો   આવાસ
પાછલી  પરોઢનો   નિર્મળ   ઉજાસ
આછેરી   ઊંઘમાં   મંજુલ    આભાસ
       ટહુકો હું સાંભળુ,   જાગ્યો ‘બિશ્વાસ’—-

ઉમંગે  ઉઠી   આવી  હું   લેવાને બાળ
ચકિત બની  ચંદ્રમાને  જોઇને બહાર
 નીરવ સૌમ્ય અંબરને તારલાની હાર
       મસ્તાની  ચાંદની   મોહે    મન બહાર—-

લાગણીની   લહેરો   દિલમાં લહેરાય
દૂર   દેશ    દેવા   સંદેશ    ઉડી    જાય
પ્રિયત્તમ! આ ચાંદની ને મીઠેરો ચાંદ
      અર્પે   છે મધુરી   અમ જીવનની  યાદ—-

દિવાળીનો મર્મ

  દિવાળીનો મર્મ
   અગ્યારસઃ   
              અગ્યારસ  ઉપરવાસ,તપ ને નિયમન
              વિખરાયલ વ્રુતિઓનો  સંયોજક   દિન
  
   બારસઃ    
              વાક બારસ,  વિમળ  વાણી   વરદાન
              દેવી  મા  શારદા, સમર્પણ  આ  દિન
 
   ધનતેરસ
              ધનતેરસ, સમજાવે  સૃષ્ટિની    વૃષ્ટિ
              યોગ્ય વ્યય સંચય  સમતોલન આ દિન
 
   ચૌદશ
              કાળી ચૌદશ,  મનઃ  ક્લેશનુ   મરદન
              નષ્ટ કષ્ટ  કકળાટો,     ગોષ્ઠીનો દિન
  
   દિવાળી
              દિવાળી  આજ, મધુ-દીપ  હું  જલાવુ
              અંતઃકરણ  અજવાળે  શાંતિનો     દિન
                     
                       સરયૂ પરીખ

                        ૨૦૦૮