નિખાલસતા

 

નિખાલસતા

 કર્તા  ને  ભોક્તાનો વ્યથિત મનભાવ
અહંકાર  પ્રેરિત   મનવૃત્તિ  પ્રતિભાવ
વિચારોના વમળે ચકરાવે ચિત્તનાવ
દીનહીન    વાસનાને    ડંખે   અભાવ

 અહંમ   ને   અપેક્ષા   અટકાવે   આનંદ
જ્યમ,કંટક હો કંઠમાં, ભોજન બેસ્વાદ
‘ હું ‘   સાંચો   સતવાદી    વિતંડાવાદ
સ્વાભિમાન   નામે    વૈર  ને  વિખવાદ

 વિક્રાંતિક   વાણીમાં   અક્ષર  મૂલવાય
શબ્દોના   અર્થોમાં    પંડિત    અટવાય
મિતભાષી નમ્ર ગુણી વ્હાલથી મલકાય
સ્વચ્છ સ્ફટિક અંતરમાં ભક્તિ છલકાય