મહાભારતના પાત્રો

જીજ્ઞાસુ અર્જુન ગીતાનો   જ્ઞાનપ્યાસમાં    વિચરે

દ્રોણાચાર્ય  હું   બની ફરું     ગત   કર્મોના  સંસ્કારે

 

આ દુર્યોધન  જે  વસે મહીં,    કામ ક્રોધ   આધારે

મન સત્તાધારી ધૃતરાષ્ટ્ર જે મોહવશ થઈ રાજ કરે

 

માયાળુ ને પ્રેમભર્યા એ  ’હું’ કર   ભીષ્મ દુઃસંગ કરે

 સમતા જ્ઞાન   વિવેક છતાંયે  કુરુકાંત આસક્ત રહે

 

પાંચ ચક્રને જાગ્રત કરતી  પાંચાલી વશીકાર બને

કૃષ્ણ એ મારો અંતર આત્મા  નહીં રે મંદિર મંદિરે

 

કુરુક્ષેત્રની   લખી   કહાણી  અનેક    પાત્રો  વાળી

મુનિવ્યાસ તમ વાર્તા  શૈલી  ગહન અતિ મર્માળી

——————————

અર્જુનઃ સાધક.       દ્રોણાચાર્ય: સંસ્કાર.

દુર્યોધનઃ કામના.    ધૃતરાષ્ટ્રઃ મોહાંધ.

ભીષ્મઃ અહંકાર.     પાંચાલી, દ્રૌપદીઃ કુંડલિની.

કુરુક્ષેત્રઃ શરીરક્ષેત્ર.

મારી સમજ અનુસાર, નમ્રતાપૂર્વક-Saryu