સંતોષ

સંતોષ

સ્વપ્ન સમય સાથી સંજોગ

સ્વીકારું  સૌ   જોગાનુ જોગ—

શક શંકા  સંશય  મતિદોષ

વિશ્વાસે    મંગળ    સંતોષ—

સાથ  સફર જે હો  સંગાથ

પડ્યુ પાન ઝીલવું  યથાર્થ—

સરળ સ્વચ્છ સ્ફટિક આવાસ

આરસીમાં   સુંદર  આભાસ—

ભક્તને ત્યાં આવે આશુતોષ

મધુર  સુગંધ  લાવે  સંતોષ—

સંતોષી  મન  સાગર  સમાન

 જ્યાં વ્હાલપ ને વૈભવ  સમાન—

જે   મારી  પાસ   તે   છે  ઘણું

પછી હોય છોને અબજ કે અણું—

 

કૃષ્ણલીલા

                                    કૃષ્ણલીલા

                      

મનડાંના મધુવનમાં રાસ લે રસીલી

                      શ્યામ સંગ શ્યામ રંગ રાધા રંગીલી—

                       જન્મકર્મ  રંગોળી  આંગણ    સજેલી

                       મંડપમાં   વૈરાગે    આવી     વહેલી—

                        આમંત્રે  તત્વજ્ઞાન   સહોદર   સહેલી

                        સ્થીરભાવ શાંતચિત્ત  નિર્ગુણ નવેલી—

                         આસક્ત  એકરસ   એકધ્યાન  ચેલી

                         કૃષ્ણ કૃષ્ણ રોમ રોમ ઘેલી અલબેલી—

                         ગોકુળ સા ચિત્તવનમાં કૃષ્ણલીલા ખેલી

                         શાશ્વત એ ક્ષણભરની અનુપમ સુખ હેલી—