મધુમાલ્તી Rangoon creeper

 

કૂંપળ

 કરમાતી  વાસંતી  વેલ, હાયમારી  ધીરજ ખૂટી.
 
જીવન ને મૃત્યુના ઝોલામાં, હાશઆજ કૂંપળ ફૂટી.

 ઓચિંતા એક દિન દીઠી, ને મરડીને યાદ મીઠી ઉઠી.
 
વાવેલી બાપુએ જતનથી,  વીરાએ નીરથી સીંચેલી.
 
કોમળ કલાઈથી ઝૂલાવી, ફૂલો હું વીણતી  ગુલાબી.
 
અદકા આનંદથી ગુંથેલી, તરસુ પળ પામવા વિતેલી.

કાળજી કરીને એને કાપી,
એક ભાવેણી ભગિનીએ આપી.
  વાવી, વિલસી, પણ શીશીરે સતાવી,
  મુંજાતી શરમાતી જાય એ સૂકાતી.           
    પણ આજ,
     પ્રીતમના  મોંઘેરા વેણ   સમી,
      હાશ!  નવી   કૂંપળ   ફૂટી.
           ——-
હ્યુસ્ટનમાં, પડોશીએ આપેલી મધુમાલતીના છોડની સંભાળ લેતાં, ભાવનગરની યાદ આવી…

અને તેનાં ખીલ્યાં પછી……>>>


મધુમાલતી અને હું

મધુમાલતી મહોરી મારા આંગણામાં આજ,
એના મસ્તાના રંગ ભરે મૈયરની યાદ.

કંઈ  વર્ષો પહેલાની  સવાર  એ  હતી,
ત્યાં  એકલી અટૂલી
 ગુલતાન હું  હતી.
લીલી ચાદરમાં બેઠી ચૂપચાપ એ કળી,
એને જલ્દી ખીલવાની ના ઝંખના હતી.

સમીર લ્હેરખી કહીંથી એને સ્પર્શી ગઈ,
એના  બહેકાવે હળુ હળુ ખીલતી  ગઈ.
સહજ શૃંગારે ફૂલગુલાબી શોભતી  રહી,
કળી શ્વેત ને ગુલાબી  મીઠું મલકી રહી.

લાલ ચૂંદડી ઓઢીને રમણ રમતી રહી.
ઘેરા લાલ ચટક રંગમાં એ હસતી રહી.                      
એવી  મધુમાલતી  મગન  ઝૂલી  ફરી,                                          
પ્રથમ શ્વેત,  ગુલાબી પછી લાલી ભરી.     

 હવે ધીમે ધીમે  લાલ રંગ તજતી હતી,
સૌમ્ય  સંધ્યાના  રંગોમાં  ભળતી હતી.

——-
૨૦૧૫ના દિપોત્સવી અંક “અખંડ આનંદ”માં પ્રકાશિત
મધુમાલતીના અજાયબ રંગો, સફેદ, ગુલાબી અને પછી લાલ રંગમાં ફેરવાતી પાંખડીઓ મારા માટે બહુ લોભામણી છે.
આપણી આયુના આ બદલાતા રંગને પણ માણવાની પ્રેરણા દેતી મધુમાલતી….


પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

%d bloggers like this: